टी-२० विश्वकप : अक्टोबर २४ मा भारत र पाकिस्तान भिड्ने

काठमाडौं । अक्टोबर १७ देखि ओमान र युइईमा हुने पुरुष टी-२० विश्वकप क्रिकेटअन्तर्गत अक्टोबर २४ मा भारत र पाकिस्तान भिड्ने भएका छन् ।

अन्तर्राष्ट्रिय क्रिकेट काउन्सिल (आईसीसी)ले मंगलबार सार्वजनिक गरेको तालिकाअनुसार प्रतियोगिताको पहिलो चरण अक्टोबर १७ देखि ओमानमा सुरु हुनेछ ।

पहिलो खेलमा ओमानले पपुवा न्युगिनीसँग खेल्नेछ भने सोही दिन बंगलादेशले पनि स्कटल्यान्डको सामना गर्नेछ । प्रतियोगिताको फाइनल भने नोभेम्बर १४ मा दुबईमा हुनेछ ।

दोस्रो चरणमा सुपर १२ टोलीले खेल्नेछन् । दोस्रो चरणमा दुई समूह हुनेछन् । अक्टोबर २३ मा अस्ट्रेलिया र दक्षिण अफ्रिकाले दोस्रो चरणअन्तर्गत अबुधावीमा खेल्ने छन् । सोही दिन वेस्ट(इन्डिज र इङ्ल्यान्ड खेल्नेछन् ।