कोरोना अपडेट : २२ सय संक्रमित थपिए, ३३ जनाको मृत्यु

काठमाडौं । पछिल्लो २४ घण्टामा मुलुकमा २,२१२ जना थप कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार १२ हजार १०९ नमुना (पीसीआर ८०८८ र एन्टीजेन ४०१८) परीक्षण गर्दा संक्रमण पुष्टी भएको हो ।

आइतबार सोही अवधिमा ३३ जनाको मृत्यु भएको छ भने १,८६७ जना डिस्चार्ज भएका छन् ।

हालसम्म कोरोनाभाइरस संक्रमितको संख्या ७ लाख ३२ हजार २७२ रहेको छ भने कूल १०,२९२ जनाले ज्यान गुमाइसकेको मन्त्रालयले जनाएको छ ।

मुलुकमा ३९ हजार २९८ जना सक्रिय संक्रमित रहेका छन् । गत २४ घण्टामा ७० हजार ७७० ले कोरोनाविरुद्धको खोप लगाएका छन् ।

मन्त्रालयका अनुसार आईसीयूमा ७५८ जना , भेन्टिलेटरमा १९३ जना, होम आइसोलेशनमा ३५०१८ जना, संस्थागत आइसोलेशनमा ४२८० र क्वारेन्टाइनमा ४१९ जना रहेको तथ्यांकमा उल्लेख छ ।