पूर्वमन्त्रीको निर्देशनमा कार्यकर्ता कुटिएको भन्दै अनेरास्ववियूकाे विरोध – Nepal Press

पूर्वमन्त्रीको निर्देशनमा कार्यकर्ता कुटिएको भन्दै अनेरास्ववियूकाे विरोध

काठमाडौं । नेकपा एमालेनिकट अनेरास्ववियूले सिन्धुपाल्चोक जिल्ला कमिटी सचिवालय सदस्य दिनेश चौलागाईमाथि आक्रमण गर्नेलाई कारबाहीको माग गरेको छ ।

बाग्मती प्रदेश पूर्वमन्त्री युवराज दुलाल ‘शरद’सँग सम्बन्धित केही राजनैतिक विषयमा सामाजिक संजालमा गरिएको टिप्पणीका आधारमा अनेरास्ववियु सिन्धुपाल्चोक जिल्ला कमिटी सचिवालय सदस्य चौलागाईमाथि आक्रमण भएको थियो ।

राजनैतिक प्रतिशोधका आधारमा युवराज दुलालको निर्देशनमा सिन्धुपाल्चोकका प्रह्लाद चौलागाई नेतृत्वको अराजक समूहले २६ गते चौलागाईकोअफिसमै गएर थर्काउने र धम्क्याउने गरेको अनेरास्ववियूको दाबी छ ।

२७ गते राति घरमै गएर ज्यान मार्ने उद्देश्यले गम्भिर घाइते हुने गरी गरेको कुटपिट गरेकोप्रति गम्भिर ध्यानाकर्षण भएको अनेरास्ववियू केन्द्रीय कमिटीका संयोजक ऐन महरले विज्ञप्तिमार्फत बताएका छन् ।

सत्ताको मातमा अपराधिक हर्कत गर्ने अपराधी समुहलाई तत्काल पक्राउ गरी कानुनी कारबाही गर्न प्रशासनसँग माग गरिएको छ ।अनेरास्ववियूले बिहीबार एक विज्ञप्ति जारी गर्दै दोषीलाई कारबाहीको माग गर्दै अनेरास्ववियु इँट्टाको जवाफ पत्थरले दिन बाध्य हुने भन्दै चेतावनी समेत दिएका छन् ।

जारी विज्ञप्तिमा भनिएको छ,‘राजनैतिक प्रतिवाद राजनैतिक तरिकाले गर्नुपर्दछ, कमरेड चौलागाईको लेखाईमा असहमति हो भने विधिको शासनमा कानूनी प्रक्रियामा जान सकिन्छ तर लोकतन्त्रमा आफ्ना राजनैतिक विचारहरु राख्न पाउने मौलिक अधिकारको समेत ख्याल नगरी जंगली शैलीमा कमरेड चौलागाईलाई भौतिक आक्रमण गर्नुले विगतमा माओवादीले समाजमा मच्याउँदै आएको आतंक र अराजकताको श्रृखलाको अवषेश अझै बाँकी रहेको देखिन्छ, तसर्थ यस्तो अराजक मानसिकता त्याग्न अनेरास्ववियु चेतावनी दिन चाहान्छ । ’

प्रतिक्रिया

Leave a Reply

Your email address will not be published. Required fields are marked *