माओको ब्याच लगाएको पाइएपछि चिनियाँ पदकधारीमाथि आईओसीको अनुसन्धान – Nepal Press

माओको ब्याच लगाएको पाइएपछि चिनियाँ पदकधारीमाथि आईओसीको अनुसन्धान

एजेन्सी । टोकियोमा जारी ओलम्पिकमा साइक्लिङमा स्वर्ण जितेका दुई चिनियाँ खेलाडीले पदक ग्रहण समारोहमा देशका महान नेता माओ त्से तुङको तस्बिरअंकित ब्याच लगाएकोबारे अनुसन्धान सुरु भएको छ ।

अन्तर्राष्ट्रिय ओलम्पिक कमिटी (आईओसी)का प्रवक्ताले जानकारी दिए अनुसार उनीहरु घटनाको बिस्तृत विवरणका लागि चिनियाँ ओलम्पिक कमिटीसँग सम्पर्कमा छन् ।

चिनियाँ जोडी बाओ शन्जु र होङ तियान्सीले सोमबार साइक्लिङको मिक्स्ड स्प्रिन्टमा स्वर्ण जितेका थिए । उनीहरुकाे याे गतिविधि राजनीतिक सन्देशलाई प्रतिबन्ध लगाउने ओलम्पिक नियमको उल्लंघन हुनेछ ।

ओलम्पिक चार्टरको धारा ५० मा भनिएको छ, ‘कुनै पनि ओलम्पिक स्थल वा पूरा क्षेत्रमै कुनै पनि किसिमको राजनीतिक, धार्मिक वा नस्लीय प्रचार गर्न पाइने छैन ।’


प्रतिक्रिया

Leave a Reply

Your email address will not be published. Required fields are marked *