माधव नेपाल भेट्न विष्णु पौडेल कोटेश्वरमा – Nepal Press

माधव नेपाल भेट्न विष्णु पौडेल कोटेश्वरमा

काठमाडौं । नेकपा एमालेका वरिष्ठ नेता माधवकुमार नेपाललाई भेट्न अर्का नेता विष्णु पौडेल उनकै निवास कोटेश्वर पुगेका छन् ।

अध्यक्ष केपी ओलीले भोलि स्थायी कमिटी बैठक बोलाउने तयारी गरिरहेका बेला संस्थापनतर्फका नेता पौडेल वरिष्ठ नेता नेपाललाई भेट्न गएका हुन् । यसअघि हिजो स्थायी कमिटी सदस्य सुवास नेम्वाङले पनि नेपाललाई भेटेका थिए ।

केही दिनअघि सम्पन्न एमालेको केन्द्रीय कमिटी बैठकले पार्टी एकताको सम्पूर्ण जिम्मेवारी अध्यक्ष केपी शर्मा ओलीलाई दिएको थियो ।

एकताका लागि दुवै तर्फको कार्यदलले तयार पारेको १० बुँदे सहमतिलाई अनुमोदन गर्दै एमालेले कार्यान्वयनमा जोड दिएको छ ।

माधव नेपाल भने आफ्नो समूहमा अध्यक्ष ओलीसँग ‘वान टू वान’ संवादमार्फत एकतालाई कायमै राख्नुपर्ने र गठबन्धन सरकारलाई धोका दिन नहुने दोहोरो दबाबमा छन् ।


प्रतिक्रिया

Leave a Reply

Your email address will not be published. Required fields are marked *