सलोन बस्नेत अब वेब-सिरिज निर्माता, रिलिज भयो ‘हेल्लो ब्रो’

काठमाडौं । अभिनेता सलोन बस्नेत अब वेब-सिरिज निर्माता बनेका छन् । कोरोना महामारीले फिल्म गतिविधि ठप्प भएपछि सलोनको व्यस्तता अहिले वेब सिरिज निर्देशनतर्फ छ ।

उनको कम्पनी सलोन–सलिना फिल्मसले निर्माण गरेको सिरिज ‘हेल्लो ब्रो’ इन्टरनेट रिलिज भएको छ । कूल २१ एपिसोडसम्म निर्माण हुने सिरिजलाई सिजन–वाइजरुपबाट रिलिज गरिने भएको छ ।

सबै नयाँ अनुहारलाई लिएर निर्माण गरिएको हेल्लो ब्रोलाई सुरेश न्यौपानेले लेखन एवं निर्देशन गरेका हुन् । सलोन यसका कार्यकारी निर्माता हुन् । ‘२१ एपिसोड बनाउने हाम्रो तयारी छ र लागत १८ लाग्ने अनुमान छ’ सलोनले भने, ‘फिल्म क्षेत्रमा व्यस्त नभैञ्जेल अब सिरिजमै लाग्नेछु ।’

बुढासुब्बा टिभीमा बिहीबार बेलुका ७ बजे सिरिज प्रसारण सुरु भएको छ । सलोन अभिनित पाँचवटा फिल्म रिलिजको पर्खाइमा छन् । कोरोना संक्रमणको परिस्थिती सामान्य भए साउन अन्त्यदेखि उनले अभिनय गर्ने डाँडाको वरपिपल छायांकनमा जाने तयारीमा छ ।