बैठकलाई लक्षित गर्दै सांसदहरूको कोरोना परीक्षण (भिडियो)

काठमाडौं । संघीय संसदको दुवै सदनको बैठक आव्हान भएसँगै सांसदहरूको कोरोना परीक्षण थालिएको छ ।

प्रतिनिधिसभा र राष्ट्रियसभाका सदस्यहरूले बैठकमा सहभागी हुन संघीय संसद भवन परिसरमा सांसदहरूको एन्टीजेन विधिबाट कोरोना परीक्षण गरिएको हो । संघीय संसद भवन नयाँबानेश्वरमा प्रतिनिधीसभाका सांसदहरुको एन्टिजेन विधिबाट कोरोना परीक्षण थालिएको हो ।

सर्वोच्च अदालतको संवैधानिक इजलासको विघटित प्रतिनिधिसभा पुन:स्थापनाको आदेशसँगै शेरबहादुर देउवा नेतृत्वको सरकारको सिफारिसमा राष्ट्रपतिले साउन ३ गते अपरान्ह ४ बजे संसद बैठक आव्हान गरेकी छन् ।

सभामुख अग्नि सापकोटाले संसद बैठकको तयारी, यसका लागि अपनाइएको स्वास्थ्य मापदण्डका सम्बन्धमा आज बिहान संसद भवनका सभाकक्षलगायतको स्थलगत अवलोकन गरेका छन् ।