एमाले स्थायी कमिटी बस्दै, नेपाल पक्षसँग पनि परामर्श
नेपाल प्रेस
२०७८ असार २८ गते १२:०१
काठमाडौं । पार्टीभित्रको विवाद मिलाउन गठित कार्यदलले जुटाएको सहमति अनुमोदन गर्न नेकपा (एमाले) को स्थायी कमिटी बैठक पूर्वनिर्धारित समयमै बस्ने भएको छ ।
बेलुकी ५ बजे बस्ने बैठकले कार्यदलले आइतबार गरेको १० बुँदे सहमति अनुमोदन गर्ने छ । बैठकअघि अध्यक्ष केपी शर्मा ओेलीले महासचिव ईश्वर पोखरेल र माधव नेपाल पक्षसँग पनि परामर्श गरेका थिए ।
कार्यदलमा रहेका नेपाल पक्षका सदस्यहरूले सहमति लगत्तै संवाददाताहरूलाई प्रतिक्रिया दिँदा आफूहरू बैठकमा सहभागी हुने बताएका थिए ।
एमालेले भोलि केन्द्रीय कमिटी बैठक पनि बोलाएको छ ।
नेपाल प्रेस
प्रकाशित: २०७८ असार २८ गते १२:०१
प्रतिक्रिया
सम्बन्धित खवर
