एमाले कार्यदलको बैठक सकियो, ठोस प्रगति भएन

काठमाडौं । नेकपा एमालेमा एकता कायम गर्न बनेको कार्यदलको बैठक सकिएको छ । बैठकबाट निस्किँदै नेताहरूले ठोस प्रगति नभएको संकेत गरेका छन् ।

स्थायी समिति सदस्य रघुजी पन्तले भने, ‘हिजो बैठकमात्र बसिएको थियो, आज बुँदागत छलफल भयो । छलफल जारी रहन्छ । टुंगिन पनि सक्छ नटुंगिन पनि सक्छ ।’

उनले अध्यक्ष केपी शर्मा ओली र वरिष्ठ नेता माधवकुमार नेपालले संयुक्त वक्तव्य जारी गर्ने विषयमा कुनै छलफल नभएको जानकारी दिए ।
अर्का नेता गोकर्ण विष्टले पनि छलफल जारी रहने बताएर बाहिरिए ।

माधव पक्षका कार्यदलका नेता भीम रावलले पनि सबै सदस्यहरूले आ-आफ्नो सुझाव दिएको भन्दै भोलि पुन: छलफल हुने जानकारी दिए ।