माधव नेपालको गुनासो- म के हुँ भनेर भन्न पनि बडा गाह्रो छ अहिले (भिडियो) – Nepal Press

माधव नेपालको गुनासो- म के हुँ भनेर भन्न पनि बडा गाह्रो छ अहिले (भिडियो)

काठमाडौं । नेकपा एमालेका वरिष्ठ नेता माधवकुमार नेपालले कुनै पनि अवस्थामा आफूले मूल्य-मान्यताको राजनीति नछाड्ने प्रतिबद्धता जनाएका छन् । संसारमा कुनै पनि प्रणाली सहज नहुने अनुभव सुनाउँदै उनले एक हदसम्म मात्र ‘एडजस्टमेन्ट’गर्न सकिने बताए ।

विपक्षी गठवन्धनले आयोजना गरेको अन्तरक्रियामा बोल्दै नेता नेपालले भने, ‘सौभाग्यवस मैले ३ वटा संविधान निर्माणमा जोडिने अवसर पाएँ । मेरो अनुभव के छ भने सजिलो केही पनि छैन । घर-व्यवहार सजिलो छैन । पार्टी चलाउन सजिलो छैन । गाह्रो छ । त्यसैले जहिले पनि एड्जस्टमेन्ट गर्नुपर्ने हुन्छ । एड्जस्टमेन्ट गर्ने तहसम्म गर्ने हो । सीमा नाघेपछि विद्रोह हुन्छ ।’

उनले थपे, ‘अहिले (अन्य नेताहरुलाई ईंगित गर्दै) उहाँहरूको भन्दा मेरो स्थिति अलि फरक छ । म के हुँ भनेर भन्न पनि बडा गाह्रो छ । गाह्रो छ नि । मैले केही गरौं भनेर भन्दा शेरबहादुरजीले होइन… होइन… होइन… अदालतको फैसलासम्म केही नगरौं भन्नु हुन्छ । कुरा ठीक पनि हो । त्यसैले हामी भनिरहेका छौं, जेसुकै भए पनि मूल्यको राजनीति गरौं ।’

प्रतिक्रिया

Leave a Reply

Your email address will not be published.

सम्बन्धित खवर