ए डिभिजन लिग असोज ३ गतेदेखि हुने
नेपाल प्रेस
२०७८ असार १४ गते १७:३७
काठमाडौं । शहीद स्मारक ए डिभिजन लिग २०२१ असोज ३ गतेदेखि सुरु हुने अखिल नेपाल फुटबल संघ (एन्फा)ले जानकारी दिएको छ । सोमबार दिउँसो एन्फा कम्प्लेक्समा बसेको ए डिभिजन लिग र एन्फाबीचको बैठकले लिग सेप्टेम्बर १९ तथा असोज ३ गतेदेखि गर्ने निर्णय गरेको हो ।
ए डिभिजन लिगका लागि खेलाडी दर्ता जुलाई ३० अर्थात् यही बुधबारदेखि सुरु हुनेछ । मच्छिन्द्र क्लबले गत सिजनको ए डिभिजन लिगगको उपाधि उचालेको थियो ।
यो वर्ष बी डिभिजन लिगबाट बढुवा भएको सातदोबाटो युथ क्लबले पनि लिगमा प्रतिस्पर्धा गर्नेछ । गत सिजनको समाप्तिमा लिग तालिकाको अन्तिममा रहेर लिग टुङ्ग्याएको सरस्वती क्लब भने बी डिभिजन लिगमा घटुवा भएको थियो ।
नेपाल प्रेस
प्रकाशित: २०७८ असार १४ गते १७:३७
प्रतिक्रिया
सम्बन्धित खवर
