एमाले केन्द्रीय सदस्य तथा पूर्व सांसद यादवको कोरोना संक्रमणबाट निधन
नेपाल प्रेस
२०७८ जेठ ६ गते ८:३९
काठमाडौं । नेकपा एमालेका केन्द्रीय सदस्य तथा पूर्व सांसद योगनारायण यादवको कोरोना संक्रमणका कारण निधन भएको छ ।
स्वास्थ्यमा समस्या आएपछि ललितपुरको मेडिसिटी अस्पतालमा भर्ना भएका ५२ वर्षीय यादवको उपचारकै क्रममा आज विहान निधन भएको एमालेले जनाएको छ ।
२०५६ सालको आम निर्वाचनमा धनुषा क्षेत्र नम्बर २ बाट प्रतिनिधिसभा सदस्यका निर्वाचित भएका यादव एमालेको केन्द्रीय सदस्य थिए ।
धनुषाको सबैला नगरपालिका वडा नम्बर ११ का बासिन्दा यादवले केही दिनअघि मात्र मुटुको शल्यक्रिया गराएका थिए । उनका एक छोरा र एक छोरी छन् ।
एमालेभित्र मधेशका एक निडर र हक्की स्वभावका नेता गुमाउनुपरेको नेता शंकर पोखरेलले बताएका छन् ।
नेपाल प्रेस
प्रकाशित: २०७८ जेठ ६ गते ८:३९
प्रतिक्रिया
सम्बन्धित खवर
