रसियाले भारतीयलाई लक्षित गर्दै ‘खोप पर्यटन’ सुरु गर्ने

काठमाडौं । कोभिड महामारीले भारतलाई गाजेपछि अहिले भारतीयलाई आफ्नो काममा विदेश जान पनि थुप्रै देशले प्रतिबन्ध लाएका छन् ।

तर, रसियाले भने भारतीयलाई रसिया आउन ढोका खुलाएको छ। ‘खोप पर्यटन’ नाम दिएको यो प्याकेजमा भारतीय सिधै मस्को उड्न पाउँछन् । मस्को गएर २ वटा रसियाले उत्पादन गरेको स्पुत्निक भ्याक्सिन लाउनेछन् । २४ दिनको प्याकेजको १ लाख ३० हजार भारु मुल्य तोकिएको छ।

यो मुल्यमा १० हजार भारु पर्ने भिषा शुल्क भने नपर्ने भारतीय ट्राभल एजेन्सीले उल्लेख गरेको छ। जसमा २१ दिनभित्र दुई डोज खोप समेत पर्छ।

खोप पर्यटकलाई तीन तारे होटलमा राखिने र महत्त्वपूर्ण क्षेत्रमा भ्रमण गराउने प्याकेज रहेको टाइम्स अफ ईन्डियाले उल्लेख गरेको छ। टाइम्स अफ ईन्डियाका अनुसार रसिया पुगेको भोलिपल्ट खोप दिइन्छ।