कैलालीमा ३७३ जनामा संक्रमण, ३ जनाको मृत्यु

कैलाली । कैलालीमा पछिल्लो २४ घण्टामा ३७३ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा ७५५ जनाको परिक्षण गर्दा कैलालीका ३७३ जनामा संक्रमण पुष्टि भएको हो ।

धनगढी उपमहानगरपालिका भित्रका १७६जनामा संक्रमण पुष्टि भएको छ । कैलालीका अन्य स्थानीय तहमा १९७जना संक्रमित भएका छन् ।
कैलाली बाहेकका प्रदेशका अन्य जिल्लामा ६० जनामा संक्रमण पुष्टि भएको छ ।

अहिले अस्पतालको अस्थायी कोरोना अस्पतालमा १११ जना संक्रमितको उपचार भइरहेको छ । ती मध्ये १ जना भेन्टिलेटरमा र १६जना आइसियुमा छन् ।

पछिल्लो २४ घण्टामा १३ जना निको भएका छन् भने ८ जना अस्पताल भर्ना भएका छन् । पछिल्लो २४ घण्टामा धनगढीमा ३जना कोरोना संक्रमितको मृत्यु भएको छ । सेती प्रादेशिक अस्पतालमा उपचाररत कंचनपुर पुनर्वास ६ र १३ का १र१ जना तथा कैलाली धनगढी १ का एक जनाको मृत्यु भएको छ ।

प्रतिक्रिया

Leave a Reply

Your email address will not be published. Required fields are marked *