ला लिगामा शीर्ष स्थानको एट्लेटिकोलाई दवाव दिँदै रियल मड्रिड

एजेन्सी । ग्रानाडालाई ४–१ गोलअन्तरले पराजित गरी रियल मड्रिडले स्पेनिस ला लिगाको शीर्ष स्थानमा रहेको एट्लेटिको मड्रिडमाथिको दवाव थपेको छ ।

मिगुल गुटेरेजको पासमा लुका मोड्रिडले १७ औं मिनेटमा रियलको अग्रता दिलाएका थिए । रोड्रिगोले इन्जूरी समयमा गोल गरेपछि पहिलो हाफमा रियल २–० ले अगाडि बढ्यो ।

भेट्रान जर्ज मोलिनाले एक गोल फर्काएसँगै ग्रानाडाले खेलमा फर्कने प्रयास गरे पनि इडेन हाजार्डको पासमा अल्भारो ओड्रिजोला र त्यसपछि गोलकिपरको कमजोरीको फाइदा उठाउँदै ४० यार्डबाट खाली पोष्टमा गोल गरेपछि मड्रिड सजिलै विजयी भयो ।

रियलले पहिलो हाफमा गरेको दुवै गोलका लागि पास मिलाउने खेलाडीहरु सन् २००० को दशकमा जन्मिएका हुन् । गुटेरेजले त ला लिगामा डेब्यू खेलमै गोल असिस्ट गरेका हुन् ।

आइतबार रियलले एथ्लेटिक विल्बाओलाई जित्न सकेन र एट्लेटिको मड्रिडले ओसासुनालाई हरायो भने सोही दिन उपाधि जित्नेछ । एट्लेटिकोसँग चार अंकको दूरीमा रहेको बार्सिलोनाले पनि आइतबार सेल्टा भिगोसँग खेल्दैछ ।