अस्पताल बाहिरबाटै फर्कियो एम्बुलेन्स (भिडियो)

काठमाडौं । करिब साढे तीन बजे । टेकुस्थित शुक्रराज ट्रपिकल तथा सरुवा रोग नियन्त्रण अस्पतालमा एउटा एम्बुलेन्स आइपुग्यो । एम्बुलेन्सभित्र एकज बिरामी सिकिस्त देखिन्थे ।

एम्बुलेन्सको ढोका खोलेलगत्तै आकस्मिक कक्षका स्वास्थ्यकर्मी आए । उनले अलिक निराश लबजमा भने, ‘के भएर ल्याउनुभएको ?’

‘सिकिस्त देखिएका बिरामीका आफन्तले भनिन्, ‘ज्वरो आएको छ । श्वास फेर्न नि गाह्रो भएको छ ।’

‘यहाँ त ठाउँ नै छैन । बेडै छैन । बाहिर पनि प्याक छ,’ यही भावमा भने ती स्वास्थ्यकर्मीले ।

आकस्मिक कक्षबाहिर कोभिडका बिरामीहरू अटाइनअटाइ थिए । अस्पतालमा ढोकैसम्म बिरामीको लाम थियो । त्यसपछि एम्बुलेन्सको ढोका बन्द भयो । निराश भएर बिरामी लिएर आफन्तहरू एम्बुलेन्ससँगै फर्किए ।

प्रतिक्रिया

Leave a Reply

Your email address will not be published. Required fields are marked *