रेल ड्राइभर बन्न विज्ञानमा १२ कक्षा पास गरेको हुनुपर्ने

काठमाडौं । सरकारले रेल सम्बन्धी अध्यादेश-२०७८ मा चालक र सह-चालक हुनको लागि विज्ञान विषयमा अनिवार्य १२ कक्षा उत्तिर्ण हुनुपर्ने प्रावधान समेटेको छ ।

साथै मान्यता प्राप्त संस्थाबाट रेल चालक तालिम लिएर प्लस टु उत्तिर्ण वा मेकानिकल तथा अटोमोबाइल विषयमा कम्तीमा डिप्लोमा तह उत्तिर्ण हुनुपर्ने प्रावधान पनि छ ।

२५ वर्षदेखि ५० वर्ष उमेर समूहको व्यक्ति मात्र रेल चालक बन्न पाउने प्रावधान समेटिएको छ । रेल ड्राइभर बन्नको लागि ३ वर्षको सह-चालकको अनुभव हुनुपर्ने पनि नियम छ ।

उक्त अध्यादेशमा रेल दुर्घटनामा ज्यान गुमाउने परिवारले किरिया खर्च र सात लाख रुपैयाँ पाउने भएका छन् । घाइते हुनुको हकमा प्रत्येक अंगको २ लाख ५० हजार र घाउ खर्च बापत डेढलाख रुपैयाँसम्म क्षतिपूर्ति दिइने भएको छ ।

रेल संचालनका लागि सरकारले कानूनी बाटो खुला गर्न सरकारले अध्यादेश ल्याएको थियो ।