बिरामीमा कोरोना देखिएपछि सिरहा अस्पतालको ओपीडी कक्ष सारियो – Nepal Press

बिरामीमा कोरोना देखिएपछि सिरहा अस्पतालको ओपीडी कक्ष सारियो

सिरहा । सिरहा अस्पतालको ओपीडी कक्षमा उपचाररत महिलामा कोरोना पुष्टि भएपछि ओपीडी कक्ष अर्को कोठामा सारिएको छ ।

चारदिन अगाडी अस्पतालमा भर्ना भएकी सिरहा नगरपालिका ४ रमौलकी महिलामा कोरोना पुष्टि भएसगै ओपिडी कक्ष नै स्थान्तरण गरिएको हो ।

कोरोनाको लक्षण देखा परेको र पिसिआर परीक्षण गर्दा पुष्टि भएको अस्पतालका मेडिकल सुपरिटेन्डेन्ट डा. नागेन्द्र यादवले जानकारी दिए ।

डा. यादवका अनुसार बिरामी महिला भारतको दरभंगाबाट सिरहा फर्केलगत्तै उनी विरामी भएपछि उपचार गराउन अस्पताल भर्ना भएकी थिइन् । कोरोना पुष्टि भएपछि उनलाई अलगै राखेर उपचार भइरहेको छ ।

कोरोना पुष्टि हुनु अगाडी उनको ओपीडी कक्षमा उपचार गरिएको थियो । त्यहांबाट कोरोना फैलिनै जोखिम रहेकाले ओपिडी कक्ष अन्य कोठामा सारिएको डा. यादवले बताए ।

अस्पतालमा कोरोनाका अन्य शंकास्पद बिरामीहरुको स्वाब संकलन गरी परीक्षणका लागि पठाएको र आज रिपोर्ट आउने डा. यादवले जानकारी दिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ