नेपालका दिवेश पोखरेललाई पुनः अमेरिकी आइडलमा प्रतिस्पर्धाको मौका ! – Nepal Press

नेपालका दिवेश पोखरेललाई पुनः अमेरिकी आइडलमा प्रतिस्पर्धाको मौका !

काठमाडौं । जीवनमा जो कसैले दोस्रो मौका पाउँदैनन् । तर, केही यस्ता भाग्यमानी हुन्छन् जसलाई मौका घुमिफिरी आउँछ । जस्तै, नेपालका दिवेश पोखरेल जो अन्तर्राष्ट्रिय मंचमा आर्थर गनको नामले चर्चित छन् ।

यी नेपाली ठिटाले पुनः अमेरिकी आइडलमा प्रतिस्पर्धा गर्ने मौका पाएका छन् । विश्व चर्चित सांगीतिक म्यागजिन बिलबोर्डका अनुसार आर्थरले पुनः अमेरिकी आइडलको आउने संस्करणमा प्रतिस्पर्धा गर्ने मौका पाएका हुन् ।

सिजन १८ का १० प्रतियोगीले आउँदो संस्करणमा गायन र प्रतिस्पर्धाका लागि मौका पाएका हुन् । सांगीतिक रियालिटी सो अमेरिकी आइडलका कार्यकारी निर्माता ती दश प्रतियोगीलाई नयाँ संस्करणका लागि निम्तो दिएका छन् ।

आउने सोमबारदेखि गतवर्षका फाइनलिस्टले गाउने सिलसिला पुनः सुरु हुनेछ । नेपालमा जन्मिएका दिवेश अमेरिकी आइडलको अघिल्लो सिजनमा फस्ट रनरअप घोषित भएका थिए ।


प्रतिक्रिया

Leave a Reply

Your email address will not be published. Required fields are marked *