नीफ फिल्म फेस्टिभल यसै महिना काठमाडौंमा हुने, छानिए तीन नेपाली फिचर फिल्म – Nepal Press

नीफ फिल्म फेस्टिभल यसै महिना काठमाडौंमा हुने, छानिए तीन नेपाली फिचर फिल्म

काठमाडौँ । नेपाल अन्तराष्ट्रिय चलचित्र महोत्सब (नीफ)को यसवर्षको संस्करणमा तीनवटा नेपाली फिल्मले फिचर विधामा प्रतिस्पर्धा गर्ने भएका छन् ।

आयोजक नेपाल चलचित्र तथा सांस्कृतिक प्रतिष्ठानले महोत्सवका लागि नेपाली फिल्म लाटो कोसेरो , सरिता :११ बर्ष र आमा खान्डो फिचर फिल्मका लागि छानिएको जनाएको छ ।

महोत्सबका लागि ५२ देशबाट ४ सय ५० फिल्म प्राप्त भएको छ । ३१ देशका ६३ फिल्मलाई फेस्टिभलमा प्रस्तिस्पर्धाको लागि पहिले नै छनोट गरिएको थियो भने नेपाली प्रतिस्पर्धा अन्तर्गत फिचर फिल्म प्रतिस्पर्धी छान्न बाँकी थियो ।

अब निफमा ६६ फिल्म देखाइने छन । यो विधामा उत्कृष्ट हुने फिल्मले एक लाख नगद पुरस्कार सहितको ट्रफी, उत्कृष्ट निर्देशक, लेखक, छायाँकार,अभिनेता र अभिनेत्री टाइटलको विजयी ट्रफी समेत पाउनेछन् ।

‘विश्वका कथाहरुको उत्सब’ भन्ने नाराका साथ ‘फिल्म संस्कृति’को विकास गर्ने उद्देश्यसहित सुरु भएको फेस्टिभलमा यो वर्ष महामारीको विषयमा बनेका फिल्मलाई अलग्गै विधामा प्रतिस्पर्धा गराइ अवार्ड दिइने भएको छ ।

कोभिड-१९ ले पारेको प्रभावमा बनेका यस्ता फिल्मले ५ सय अमेरिकी डलर तथा ट्रफी प्राप्त गर्नेछन् । अन्तर्राष्ट्रिय प्रतिष्पर्धा अन्तर्गत सर्वोत्कृष्ट फिचर फिल्मलाई १५ सय अमेरिकी डलर राशिसहित गौतम बुद्ध अवार्ड प्रदान गरिने छ ।

यसैगरी, सर्वोत्कृष्ट बृत्तचित्रलाई १ हजार डलर राशिको माउन्ट एभरेष्ट अवार्ड, सर्वोत्कृष्ट एनिमेटेड फिल्मलाई ७५० डलरको मञ्जुश्री अवार्ड, सर्वोत्कृष्ट लघु फिल्मलाई ५ सय डलर राशिको वाग्मती अवार्ड यथावत रुपमा प्रदान गरिने भएको छ ।

महोत्सव २०७८ बैशाख २३ देखि २७ सम्म काठमाडौंमा आयोजना हुने भएको छ ।


प्रतिक्रिया

Leave a Reply

Your email address will not be published. Required fields are marked *