एन आई सी एशियाको नयाँ वर्ष योजना डिजिटल भुक्तानीमा २० प्रतिशतसम्मको छुट
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/04/Creative-on-New-Year-2078-Offer-.jpg)
काठमाडौं। एन आई सी एशिया बैंकले नयाँ वर्ष २०७८ मा आफ्ना ग्राहकलाई डिजिटल भुक्तानीमा २० प्रतिशतसम्मको आकर्षक छुट तथा नगद फिर्ताको योजना ल्याएको छ ।
२०७८ वैशाख ३ सम्म डिजिटल भुक्तानी गर्ने ग्राहकले उक्त छुट प्राप्त गर्न सक्ने बैंकले जनाएको छ । ग्राहकले आफ्नो इच्छाएको सामग्री खरिद गरी ई–कमर्शमार्फत भुक्तानी गर्दा २० प्रतिशत वा अधिकतम १ हजार ५ सय रुपैयाँसम्म नगद रकम फिर्ता प्राप्त गर्न सक्ने बैंकले जनाएको छ ।
नेपालमा अनलाईन किनमेल गर्ने परम्पराको बिकास भइरहेको समयमा आफ्नो आयोजनाले यसलाई थप प्रवर्द्धन गर्ने बैंकले अपेक्षा लिएको छ ।
यस बैंकको मुलुकभर ३५२ शाखा , ४७१ एटिएम, ७५ वटा विस्तारित काउण्टर एवं ८० वटा शाखा रहित बैंकिङ मार्फत् बैंक २२ लाख भन्दा बढी ग्राहकलाई बैंकिङ सेवा दिइरहेको छ ।
गत आर्थिक वर्षमा करिब २ अर्ब ६५ करोड रुपैयाँभन्दा बढी राजश्व नेपाल सरकारलाई भुक्तानी यस बैंकले मुगु, कालिकोट, बझाङ, रूकुम, जुम्ला, सल्यान जस्ता ३४ दुर्गम क्षेत्रमा पुगेर बैंकिङ व्यवसाय सञ्चालन गर्दै आएको छ ।