सार्कबारे भारतीय विदेश मन्त्रालयले भन्यो : हामी अहिले केही बोल्ने पक्षमा छैनौं – Nepal Press

सार्कबारे भारतीय विदेश मन्त्रालयले भन्यो : हामी अहिले केही बोल्ने पक्षमा छैनौं

दिल्ली । सार्क शिखर सम्मेलनबारे भारतले अन्ततः मुख खोलेको छ । यसवर्षको अन्त्यमा पाकिस्तानमा हुने भनिएको शिखर सम्मेलनमा भारतीय प्रधानमन्त्री सहभागि हुनसक्ने अनुमानसहितको समाचार केही पाकिस्तानी संचारमाध्यमले प्रकाशन गरेका थिए ।

भारत विदेश मन्त्रालयले यसबारे प्रतिक्रिया दिएको छ । विहिबार आयोजित नियमित पत्रकार सम्मेलनमा विदेश मन्त्रालयका प्रवक्ता अरिन्दम बागचीले पाकिस्तानस्थित भारतको उच्चायोगले यसबारे काम गरिरहेको बताए ।

उनले भने, ‘हाम्रो हाइ कमिसन पाकिस्तानमा अस्तित्वमा छ र राम्रोसँग काम गरिरहेको छ । संचारका लागि यो प्रभावकारी माध्यम पनि हो । सार्कलाई लिएर यो क्षणमा हामी केही पनि बोल्न चाहँदैनौ ।’

भारत र पाकिस्तानबीचको तनावका बीच सार्कको भविष्य नै अन्यौलमा परिरहेको बेला भारतको यस्तो प्रतिक्रिया आएको हो । भारतले सार्कको विकल्पमा विमस्टेकलाई खडा गर्ने प्रयास गरिरहेको अनुमान लगाइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर