महामारीमै नेपालमा बढी कमाउने फिल्म बन्यो ‘रुही’ – Nepal Press

महामारीमै नेपालमा बढी कमाउने फिल्म बन्यो ‘रुही’

काठमाडौं । बलिउडको कमेडी हरर फिल्म ‘रुही’ महामारीमै नेपाली फिल्म हलहरुमा सबैभन्दा बढी कमाउने फिल्म बनेको छ ।

यो फिल्मले मुलुकको सबैभन्दा ठूलो मल्टिप्लेक्स चेन क्यूएफएक्समा प्रदर्शनको चौंथो सातासम्म २८ लाख ग्रस रुपैयाँ कमाएको छ । अन्य हलहरुको कमाइ जोड्दा फिल्मको कूल ग्रस ४० लाख रुपैयाँ झन्डै हुन आउँछ ।

फिल्मले लगानी उठाएको मात्र छैन, वितरकलाई लाभांश पनि दिलाएको छ । राजकुमार राव, जान्हवी कपुर र वरुण शर्मा स्टारर फिल्म मार्च ११ मा काठमाडौंमा रिलिज भएको थियो ।

दक्षिण भारतको अर्को फिल्म ‘मास्टर’ महामारीयता बढी कमाउने दोस्रो फिल्म बनेको छ । पुस १० गते हल खुलेयता यी दुईबाहेक अन्य फिल्महरुको कमाइ खराब रह्यो । मुम्बई सागाको कमाइ सुखद मात्र छ । अन्य नेपाली र हलिउड फिल्मको कमाइ सुखद छैन ।

पुनः कोरोनाको दोस्रो लहर सुरु भएसँगै नेपाली फिल्म हलहरुमा दर्शक पातलिएका छन् । धमाधम सोजहरु स्थगित मात्र भएका छैनन्, अधिकांश सोज हातको औंलामा गन्न सकिने दर्शकीय संख्याले मात्र चलिरहेका छन् ।

प्रतिक्रिया

Leave a Reply

Your email address will not be published.