संसारकै धेरै अर्बपति बेइजिङमा, भारतमा अर्बपति संख्या १४० पुग्यो – Nepal Press

संसारकै धेरै अर्बपति बेइजिङमा, भारतमा अर्बपति संख्या १४० पुग्यो

फोब्र्स म्यागजिनको पछिल्लो धनाढ्यको सूचीमा चिनियाँ राजधानी बेइजिङ सर्वाधिक अर्बपति हुने सहर बनेको छ । उक्त म्यागजिनका अनुसार बेइजिङमा यो वर्ष अर्बपतिको संख्या १०० पुगेको छ । यसवर्ष ३३ अर्बपति बेइजिङमा थपिएका हुन् ।

विगत सात वर्षदेखि अर्बपति सर्वाधिक हुने सहरको सूचीमा अमेरिकाको न्यूयोर्क थियो र अर्बपति संख्या ९९ थिए ।

कोभिड-१९ महामारीको बाबजुद पनि प्रविधि कम्पनी र सेयर बजारमा आएको उछालको कारण चीन अग्रस्थानमा आएको जनाइएको छ ।

तर, बेइजिङका अर्बपतिको कूल सम्पत्तिभन्दा न्यूयोर्कका अर्बपतिको सम्पत्ति चाहिँ ८० बिलियन डलरले बढी छ । भिडियो सेयरिङ एप टीकटकका मालिक एवं चीनका धनाढ्य झाङ यमिङको सम्पत्ति बढेर ३५.६ बिलियन डलर पुगेको छ ।

न्यूयोर्कका धनाढ्य एवं त्यहाँका पूर्वमेयर माइकल ब्लुमबर्गको कूल सम्पत्ति ५९ बिलियन डलर छ । कोभिड लकडाउनमा प्रविधि कम्पनीले गरेको व्यापक कमाइको कारण अमेरिकी प्रविधि धनाढ्यको कमाइ पनि बढेको छ ।

गतवर्ष ४९३ नयाँ अर्बपति थपिएका थिए । प्रत्येक १७ घन्टामा एकजना नयाँ अर्बपति थपिने गरेको फोब्र्सले जनाएको छ । १४० जना नयाँ अर्बपतिसहित भारत तेस्रो स्थानमा छ ।

एसिया प्यासिफिकका १,१४९ धनाढ्यसँग ४.७ ट्रिलियन डलर सम्पत्ति छ र अमेरिकी अर्बपतिसँग ४.४ ट्रिलियन सम्पत्ति । लगातार चौंथो वर्षसँगै यसवर्ष पनि अमेरिकी धनाढ्य जेफ बेजोस १७७ बिलियन डलरसहित संसारकै धनीको सूचीमा पहिलो नम्बरमा छन् ।

 

प्रतिक्रिया

Leave a Reply

Your email address will not be published.

सम्बन्धित खवर