कोरोनाको ग्राफ उकालो लाग्दै: थपिए ३३९ संक्रमित

काठमाडौं । बितेको २४ घण्टामा नेपालमा ३३९ जना संक्रमित थपिएका छन् । स्वास्थ्य मन्त्रालयका अनुसार ४ हजार १ सय पीसीआर परीक्षण गर्दा २९८ जना र १ हजार ४० मा एन्टीजेन परीक्षण गर्दा ४१ जनामा संक्रमण पुष्टि भएको हो ।

उपत्यकामा मात्र १६३ जना संक्रमित थपिएका छन् । २४ घण्टामा ७४ जना निको भएका छन् । निको हुने दर ९८।१ प्रतिशत रहेको मन्त्रालयका प्रवक्ता जागेश्वर गौतमले बताए ।

कोरोनाको बेलायती भेरिएन्ट नेपालमा फैलने क्रममा रहेको जानकारी दिँदै मिडिया ब्रिफिङमा नेपाल समेत नयाँ कोरोनाको जोखिममा रहेको जानकारी दिइयो । छिमेकी मुलुक भारतमा ब्राजिलियन भेरिएन्ट समेत भेटिएकाले नेपाल उच्च जोखिममा रहेको प्रवक्ता गौतमले बताए ।