कोरोनाका कारण भक्तपुरमा बिस्केट जात्रा स्थगित

भक्तपुर । कोभिड १९ का कारण भक्तपुरमा हुने प्रसिद्ध बिस्केट जात्रा स्थगित गरिएको छ ।

कोभिड १९ संकट व्यवस्थापन सञ्चालन केन्द्रको आइतबार बसेको बैठकले बिस्केट जात्रा रोक्ने निर्णय गरेको हो । गत वर्ष पनि जात्रा हुन सकेको थिएन ।

जात्रामा भक्तजनको भीड हुने यसले संक्रमण फैलिन गई भयावहको अवस्था सिर्जना हुनसक्ने भन्दै बिस्केट जात्रा रोक्ने निर्णय बैठकले गरेको हो ।

बैठकमा भक्तपुर जिल्ला अधिकारी प्रेमप्रसाद भट्टराई, जिल्ला समन्वय समिति प्रमुख नवराज गेलाल लगायतको उपस्थिति थियो ।