सदस्यहरु उपत्यका बाहिर रहेकाले माओवादी केन्द्रको स्थायी समिति बैठक स्थगित – Nepal Press

सदस्यहरु उपत्यका बाहिर रहेकाले माओवादी केन्द्रको स्थायी समिति बैठक स्थगित

काठमाडौं । नेकपा माओवादी केन्द्रको आज ११ बजे निर्धारित स्थायी समिति बैठक स्थगित भएको छ ।

पार्टी कार्यालय पेरिसडाँडामा बस्ने भनिएको बैठक केहि स्थायी समिति सदस्यहरु उपत्यकाबाहिर रहेकाले आजका लागि स्थगित गरिएको एक स्थायी समिति सदस्यले नेपालप्रेसलाई जानकारी दिए ।

आजको बैठकले सरकारलाई दिएको समर्थन फिर्ता लिनेबारे छलफल र निर्णय गर्ने बताइएको थियो । त्यसका लागि आवश्यक गृहकार्य नपुगेका कारण पनि बैठक स्थगित भएको बताइएको छ । माओबादी नेताहरु प्रधानमन्त्री केपी शर्मा ओलीलाई सत्ताच्यूत गर्न जसपा नेताहरुसँग सहमति गर्ने प्रयासमा छन् ।

यसअघि नेपाली कांग्रेसको शुक्रबार बसेको केन्द्रीय समिति बैठकले नेपाली कांग्रेसले प्रधानमन्त्री केपी शर्मा ओलीको राजीनामा माग्दै आफ्नो नेतृत्वमा सरकार बनाउन अग्रसर हुने निर्णय गरेको थियो ।

२३ फागुनमा सर्वोच्चको फैसलापछि एमाले र माओवादी केन्द्र ब्यूँतिए पनि अहिलेसम्म सरकारलाई दिएको समर्थन फिर्ता लिएको छैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर