कम्युनिस्ट नेता मानन्धरको निधनप्रति प्रधानमन्त्री ओलीद्वारा दुःख व्यक्त

काठमाडौं । प्रधानमन्त्री तथा नेकपा (एमाले) का अध्यक्ष केपी शर्मा ओलीले कम्युनिस्ट नेता विष्णुबहादुर मानन्धरको निधनप्रति दुःख व्यक्त  गरेका छन् ।  उनले आज एक समवेदना सन्देश जारी गर्दै दिवंगत मानन्धरले नेपालको कम्युनिष्ट आन्दोलनमा पु¥याएको स्मरणसमेत गरेका छन् ।

‘पितृवियोगमा पर्नुभएका तपाई‌‌, पारिवारिक वियोगले मर्माहित तपाईको परिवार आफन्तजनप्रति म गहिरो समवेदन व्यक्त गर्दछु,’ प्रधानमन्त्री ओलीले जारी गरेको समवेदना सन्देशमा भनिएको छ । जहाँनियाँ राणा शासन विरुद्धको संघर्षमा समेत सक्रिय रहेका मानन्धरले नेपाल कम्युनिष्ट पार्टीको स्थापना कालदेखि नै पार्टीमा संगठित रहेर पुर्याएको योगदानको पनि उनले स्मरण गरेका छन् ।

‘२०४६ सालको संयुक्त जनआन्दोलन सफल पार्न नेपाल कम्युनिष्ट पार्टी (संयुक्त) को अध्यक्षका रुमा बाममोर्चा गठनमा उहाँले निर्वाह गर्नुभएको भूमिका स्मरणीय छ । उहाँको निधनबाट नेपालको कम्युनिष्ट जनआन्दोलनले निष्ठावान र इमान्दार नेतालाई गुमाएको छ । नेपालको बाम लोकतान्त्रिक र प्रगतिशील आन्दोलतमा उहाँको चिरकालसम्म स्मरणीय रहने छ,’ समवेदना सन्देशमा उल्लेख छ ।

प्रधानमन्त्री ओलीले शोकाकुल परिवार र आफन्तजनमा गहिरो समवेदना व्यक्त गरेका छन् ।