दीपकराज गिरीको टिप्पणी : नेता र दलले हामीलाई सँधै ‘अप्रिल फुल’ बनाए

काठमाडौं । वर्षेनी अप्रिल १ तारिखलाई विश्वभर ‘मूर्ख दिवस’को रुपमा मनाउने चलन छ । पश्चिमा मुलुकमा व्याप्त यो चलन पछिल्लो समय नेपालसहितका एसियाली मुलुकमा समेत झाँगिदै गएको छ ।

सेलेव्रिटीले समेत अप्रिल फुलबारे आ-आफ्नै टिप्पणी गरिरहेका छन् । अप्रिल फुल स्टेटसमार्फत उनीहरुले वर्तमान राजनीतिप्रति वितृष्णा पोखेका छन् । यस्तो विचार व्यक्त गर्नेमा अभिनेता एवं निर्माता दीपकराज गिरी अगाडि छन् ।

प्रत्येक दिन नेता र दलले अप्रिल फुल मनाएको टिप्पणी गर्दै दीपकले अप्रिल फुल नेपालीका लागि नभएको बताए । उनी फेसबुकमा लेख्छन् -आज अप्रिल फस्ट, अरुलाई मूर्ख बनाउने दिन । गोराहरुको लागि यो हो । हाम्रा लागि होइन ।

‘हामी नेपालीलाई त हरेक दिन हाम्रा नेता र पार्टीहरुले अप्रिल फुल बनाइरहेकै छन् । शुभदिन !’