टीएमएसमा समस्या आएपनि ४३ अंकले बढ्यो नेप्से
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2020/12/share-market-up-1.jpg)
काठमाडौं । नेप्से परिसूचक आज ४३.३६ अंकले बढेको छ । आज टीएमएसमा समस्या आएपनि नेप्से परिसूचक बढेको छ । आज टीएमएसमा समस्या आउँदा नेप्से कारोबार एक घण्टा समय बढाइएको थियो ।
आज नेप्से परिसूचक ४३.३६ अंकले बढ्दै २६१९.०३ विन्दुमा रोकिएको छ । आज भएको १ करोड १२ लाख ८१ हजार ६२५ कित्ताको किनबेचमा ६ अर्ब १६ करोड ६८ लाख ६१ हजार ५३८ रुपैयाँ बराबरको कारोबार भएको थियो ।
आज हाइड्रो इलेक्ट्रिसिटीको शेयर कारोबार सबैभन्दा ३६ कराेड रूपैयाँ बराबरकाे भएको छ । यसैगरी अपर तामाकोशीको शेयर कारोबार पनि ३१ करोड रुपैयाँ बराबरको भएको छ ।
आज नेपाल इन्फ्रास्ट्रकचर बैंकको शेयर कारोबार २४ करोड बराबरको भएको छ । ट्रेडिङ समूह बाहेक सबै समूहको शेयर बढेको छ ।