लुम्बिनी प्रदेशसभा बैठक भोलि, केही विधेयक प्रस्तुत हुने

रुपन्देही । लुम्बिनी प्रदेशको हिउँदे अधिवेशन अस्थायी मुकाम बुटवलमा भोलि(बुधबार) दिउँसो १ बजे बस्ने भएको छ ।

अहिलेको अधिवेशनमा प्रदेश पूर्वाधार विकास प्राधिकरण ऐन, कृषि, भौतिक पूर्वाधार मन्त्रालयका केही विधेयक सभामा प्रस्तुत हुनेछन् ।

प्रदेशसभाको सातौ अधिवेशनको तयारीमा जुटेको प्रदेशसभा सचिव दुर्लभकुमार पुनले बताए । दुई बैठकबीचको अन्तर ६ महिनाभन्दा बढी गर्न नपाइने कानुन व्यवस्था बमोजिम बुधबार बैठक बस्न लागेको सचिव पुनले जानकारी दिए ।

२० असोजमा प्रदेशको स्थायी राजधानी र नामाकरण टुंगो लगाएपछि बैठक बस्नसकेको थिएन । हिउँदे अधिवेशन बढीमा ५ दिन मात्र बस्नेछ ।