६ वर्षपछि अकेशाको कमब्याक, फिल्म ‘लाइफ इन एलए’ बन्ने – Nepal Press

६ वर्षपछि अकेशाको कमब्याक, फिल्म ‘लाइफ इन एलए’ बन्ने

काठमाडौं । अमेरिकामा बसोबास गर्ने नेपाली समुदायको जीवनशैली चित्रण गर्ने फिल्म ‘लाइफ इन एलए’ निर्माण हुने भएको छ । अमेरिकी सहर लस-एन्जल्समा छायांकन सुरु हुने फिल्मलाई सूर्य श्रेष्ठले निर्देशन गर्ने भएका छन् ।

निर्माताले पोस्टर टीजर पोस्टर सार्वजनिक गरेका छन् । अप्रिल पहिलो साताबाट लस-एन्जल्समा फिल्म छायांकन हुने जनाइएको छ । अमेरिकासहित नेपालको पर्यटकीय नगरी पोखरामा समेत फिल्म सुटिङ हुनेछ ।

बाश इन्टरटेनमेन्टको प्रस्तुतीमा निर्माण हुने फिल्ममा अकेशा बिष्ट, बाश विष्शु, जरेद बिल्लुप्स, साम भुजेल, आयुस केसी र बिशाल ढकालको अभिनय हुने जनाइएको छ । ६ वर्षअघि रिलिज भएको ‘जिन्दगी रक्स’ अभिनेत्री विष्ट यो फिल्मबाट कमब्याक हुँदैछिन् ।

‘जिन्दगी रक्स’ रिलिजपछि अकेशा अमेरिका हानिएकी थिइन् । फिल्मका अन्य कलाकार पनि अमेरिकामै बसोबास गरिरहेका छन् । कार्यकारी निर्माता संसार सुवेदी हुन् ।

राजेन्द्र ठकुराठी निर्माता रहेको फिल्मलाई सुदीप बरालले खिच्नेछन् । फिल्ममा श्रीकृष्ण बम मल्लको संगीत, उज्वल ढकालको सम्पादन रहनेछ ।


प्रतिक्रिया

Leave a Reply

Your email address will not be published. Required fields are marked *