स्वेज नहरबाट हटाइयो विशाल पानीजहाज, युरोप-एसिया जलमार्ग सुचारु – Nepal Press

स्वेज नहरबाट हटाइयो विशाल पानीजहाज, युरोप-एसिया जलमार्ग सुचारु

एजेन्सी । इजिप्टको स्वेज नहरमा फसेको विशाल पानी जहाजलाई पुरानै अवस्थामा फर्काउन गरिएको प्रयास सफल भएको अधिकारीहरुले जानकारी दिएका छन् ।

स्वेज नहर प्राधीकरणका अनुसार ४ सय मिटर लामो एभर गिवेन जहाजलाई सही मार्गमा ल्याउन ८० प्रतिशत काम सकिएको छ ।

संसारको सबैभन्दा व्यस्त व्यपारिक मार्गमध्येको एक स्वेज नहरलाई यो जहाजले १ सातादेखि अवरोध गरिरहेको थियो । त्यसैले त्यस क्षेत्र भएर गुज्रिने सयौं जहाजले आफ्नो बाटो परिवर्तन गर्नुपरेको थियो र लामो लाइन लागेको थियो ।

फसेको जहाज निकाल्ने काममा भएको सफलतापछि यहाँ लागेको पानीजहाजको लाइन खुल्ने अपेक्षा गरिएको छ । यो जलमार्गबाट दैनिक करिव साढे ९ अर्व डलरको सामान पार हुने गरेको छ ।

समाचार संस्था रोएटर्सका अनुसार फसेको जहाज निकाल्नका लागि टगबोट्सको प्रयोग गरिएको थियो । स्वेज नहर प्राधीकरणका अनुसार जहाजको पछिल्लो भाग नहरको बगरदेखि चार मिटरको दूरीमा थियो र अहिले १ सय २ मिटरको दूरीमा पर्‍याइएको छ । जहाज पूर्ण रुपमा तैरिनका लागि तयार भएको बताइएको छ ।

४ सय मिटर लामो र ५९ मिटर चौडा जहाजले अघिल्लो मंगलबार तीव्र हावाका कारण स्वेज नहरमा आफ्नो बाटो गुमाएको थियो । त्यसका कारण युरोप र एसियाको बीचमा सबैभन्दा छोटो जलमार्गमा जहाज ट्राफिक जामको स्थिति बनेको थियो ।

प्रतिक्रिया

Leave a Reply

Your email address will not be published. Required fields are marked *