अन्तर्राष्ट्रिय फुटबलबाट विराज महर्जनको सन्न्यास – Nepal Press

अन्तर्राष्ट्रिय फुटबलबाट विराज महर्जनको सन्न्यास

काठमाडौं । नेपालका पूर्व कप्तान विराज महर्जनले अन्तर्राष्ट्रिय फुटबलबाट सन्न्यासको घोषणा गरेका छन् । सन् २००८ को मार्च २५ मा पोखरामा भएको पाकिस्तानविरुद्धको मैत्रीपूर्ण खेलमा नेपालबाट डेब्यु गरेका विराजले अन्तर्राष्ट्रिय स्तरमा १ गोल गरेका थिए ।

उनले २००९ को मार्च २८मा एएफसी च्यालेन्जकप अन्तर्गत किर्गिस्तानविरुद्ध गरेको गोल उनको करियरकै अविस्मरणीय गोल बन्यो । उनले सन्न्यासको घोषणा गर्नु अगाडि बंगलादेशविरुद्ध सहित गरी नेपालबाट ६३ खेल खेलेका थिए ।

साफ च्याम्पियनसिप अन्तर्गत २०१५ को डिसेम्बरमा पहिलो पटक राष्ट्रिय टोलीको कप्तानी गरेका विराजले १८ खेलमा नेपालको नेतृत्व गरेका थिए ।

लामो समयदेखि औपचारिक सन्न्यास घोषणाको तयारीमा रहेका विराज थ्री नेसन्स कपको फाइनलमा बंगलादेशविरुदद्ध ८९औं मिनेटमा मैदान प्रवेश गरेका थिए ।

त्यसअघि विराजले २०१९ को जुन २ मा मलेसियाविरुद्धको मैत्रीपूर्ण खेल खेलेका थिए ।

प्रतिक्रिया

Leave a Reply

Your email address will not be published.