शैक्षिक संस्था कोरोनाको हटस्पट : स्वास्थ्य मन्त्रालय – Nepal Press

शैक्षिक संस्था कोरोनाको हटस्पट : स्वास्थ्य मन्त्रालय

काठमाडौं । स्वास्थ्य मन्त्रालयले शैक्षिक संस्था कोरोनाभाइरसको हटस्पट बन्दै गएको बताएको छ । नियमित मिडिया ब्रिफिङमा प्रवक्ता जागेश्वर गौतमले विद्यालय, कलेज भाइरसले प्रभावित बनेको बताए ।

उनका अनुसार टेकुसहितका विभिन्न अस्पतालमा पछिल्लो समय कोरोनाका बिरामी बढेको र तीमध्ये अधिकांश कलेज र स्कुलका शिक्षक रहेको पाइएको छ । कोरोनाको कारण पछिल्लो समय विद्यालय र कलेज संक्रमित भएको र बन्द गर्ने क्रम बढेको समेत जनाए ।

प्रवक्ता गौतमले विद्यालयमा जनस्वास्थ्यका मापदण्डलाई अनिवार्य रुपमा लागु गर्न समेत आग्रह गरे । शैक्षिक संस्थामा जनस्वास्थ्यका मापदण्ड कार्यान्वयनमा फितलो भएको समेत उनले जनाए ।

स्वास्थ्य मन्त्रालयले भीडभाड नगर्न र मापदण्ड कार्यान्यवन गर्न भनेपनि सर्वसाधारणले त्यसको अवज्ञा गर्दै आइरहेका छन् । विज्ञहरुले यस्तै अवस्था कायम रहे कोरोनाका दोस्रो लहर आउन सक्ने बताएका छन् ।


प्रतिक्रिया

Leave a Reply

Your email address will not be published. Required fields are marked *