लोकपाल गठन गर्न सुर्खेतका यूवाकाे माग

सुर्खेत । सुर्खेतका यूवाले लोकपाल गठन गर्न माग गरेका छन् । विकास निर्माणमा भैरहेको ढिलासुस्ती, गुणस्तरहिनता र नितिगत भ्रष्टाचारलाई नियमन गर्न शुक्रबार जिल्ला प्रशासन कार्यालयमा पुगेर प्रमुख जिल्ला अधिकारी छवि रिजालमार्फत जिल्ला भित्र प्रशासनको अगुवाइमा नागरिक अगुवा, राजनैतिक दलका अगुवा तथा पत्रकारसहितको लोकपाल गठन गर्न उनिहरुले माग गरेका हुन् ।

कर्णाली प्रदेशको राजधानी वीरेन्द्रनगर नगरपालिका भित्र लागूपदार्थ दुर्व्यसन, तस्करी र अशान्ति बढ्नु चिन्ताजनक रहेको उनीहरुले बताएका छन् । मालपोत, यातायात कार्यालयमा समेत सेवाग्राहीले सास्ती पाएका कारण जनशक्ति थप्न र प्रविधिमैत्री बनाउन समेत यूवाले माग गरेका छन् ।

यूवा अगुवा राजिभजंग शाही र कमल कटवालले वीरेन्द्रनगर नगरपालिका वडा न तीन र १० मा अस्थायी प्रहरी बिट राख्न समेत माग गरेका छन् । उनिहरुले शान्ति र सुशासनको अभियानमा साथ दिन तयार रहेको समेत प्रतिवद्धता जनाएका छन् । शुक्रबार राजिभ जंग शाही, कमल कटवाल, राज रावत, माधव सिजाली र कमल शाही लगायतका यूवा जिल्ला प्रशासन कार्यालयस्थित प्रमुख जिल्ला अधिकारी समक्ष पुगेका थिए ।