लेखराज भट्ट भन्छन्- सुदूरपश्चिम सरकार परिवर्तन गर्नु पर्छ
नेपाल प्रेस
२०७७ चैत १३ गते १३:४९
कैलाली । नेकपा एमालेका सुदूरपश्चिम प्रदेश इञ्चार्ज एवं उद्योग, वाणिज्य तथा आपूर्ति मन्त्री लेखराज भट्टले सुदूरपश्चिम प्रदेश सरकार परिवर्तन गर्नुपर्ने बताएका छन् ।
शुक्रबार बिहान धनगढी विमानस्थलमा पत्रकारहरूसँग बोल्दै मन्त्री भट्टले प्रदेश सरकारले गति पाउन नसकेको भन्दै परिवर्तन गर्नुपर्ने बताएका हुन् ।
उनले भने, ‘हामी छलफलमा छौँ । यो प्रदेश सरकारले गति लिन सकेन, अब चाहिँ परिवर्तन गर्नुपर्छ । ’
भीम रावलको कारबाहीको विषयमा भट्टले भने, ‘स्पष्टीकरणको उत्तरपछि मात्र कारबाहीको प्रक्रिया अगाडि बढ्छ । उहाँहरूलाई पार्टीमा आउने बाटो पनि खुल्ला छ । ’
सुदूरपश्चिम प्रदेश सरकार अहिले माओवादी केन्द्रले नेतृत्व गरेको छ ।
नेपाल प्रेस
प्रकाशित: २०७७ चैत १३ गते १३:४९
प्रतिक्रिया
सम्बन्धित खवर
