किर्गिस्तान यु-२३ विरुद्ध त्रिदेव र संजोगले डेब्यु गर्दै – Nepal Press

किर्गिस्तान यु-२३ विरुद्ध त्रिदेव र संजोगले डेब्यु गर्दै

काठमाडौं । थ्री नेसन्स लिगको पहिलो खेलमा नेपालले आज किर्गिस्तान यु २३ को सामना गर्दैछ । दशरथ रंगशालामा ५:३० बजे सुरु हुने खेलका लागि नेपालबाट संजोग राई र त्रिदेव गुरुङले डेब्यू गर्ने भएका छन् ।

पहिलो पटक राष्ट्रिय टोलीमा परेका संजोगसँगै मिडफिल्डमा त्रिदेवले पनि पहिलो पटक नेपालको प्रतिनिधित्व गर्ने भएका छन् । दुई डेब्युटेन्टसँगै तेज तामाङ, रवि पासवान र अञ्जन विष्टले मिडफिल्ड सम्हाल्नेछन् ।

अग्रपंक्तिको जिम्मेवारी भने अभिषेक रिजालले सम्हाल्दा डिफेन्सलाइनमा रन्जित धिमाल, रोहित चन्द, अनन्त तामाङ र दिनेश राजवंशीले सुरुआती ११ मा स्थान बनाउँदा कप्तान किरण चेम्जोङले गोलपोष्ट सम्हाल्ने छन् ।

पहिलो खेलमा बंगलादेशसँग पराजित भएको किर्गिस्तान यु २३ आज गर या मरको दबाबमा छ । प्रतियोगितामा पहिलो खेल खेल्न लागेको नेपाल सुखद् सुरुआत गर्न चाहन्छ ।

नेपाली राष्ट्रिय टोलीले करिब ६ वर्षपछि पहिलो पटक दशरथ रंगशालामा अन्तर्राष्ट्रिय खेल खेल्न लागेको हो ।

प्रतिक्रिया

Leave a Reply

Your email address will not be published.