म्यानमार कू : सेनाको गोलीले सात वर्षिया बालिकाको मृत्यु – Nepal Press

म्यानमार कू : सेनाको गोलीले सात वर्षिया बालिकाको मृत्यु

याङ्गुन । म्यानमार सेनाको गोली प्रहारबाट सात वर्षिया बालिकाको बुधबार मृत्यु भएको छ । मारिनेमा माण्डले सहरकी खिन म्यो छिट छिन् ।

उनका छिमेकीका अनुसार घरमा प्रहरीले छापा हान्ने क्रममा उनी दौडेर बाबुको अँगालोमा जान लागेकी थिइन् । आफूविरुद्ध भएको प्रदर्शनलाई दबाउन सेनाले शक्ति प्रयोग गरिरहेको छ ।

अधिकारवादी संस्था सेभ द चिल्ड्रेनका अनुसार झन्डै २० बालबालिका हिंसामा मारिएका छन् । सेनाले चाहिँ प्रदर्शनमा मारिनेको संख्या १६४ रहेको जनाएको छ भने अधिकारवादी संस्थाले चाहिँ २६१ मारिएको जनाएका छन् ।

मंगलबार सेनाले प्रदर्शनकारीको मृत्यु भएकोमा दुःख व्यक्त गरेको छ । सेनामाथि निरंकुशता प्रदर्शन गरेको र हिंसा मच्चाएको आरोप लागिरहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर