विद्यार्थी लिएर कलेज आउँदै गरेको बस दुर्घटना, एकको मृत्यु – Nepal Press

विद्यार्थी लिएर कलेज आउँदै गरेको बस दुर्घटना, एकको मृत्यु

दाङ । आज विहान कलेज बस दुर्घटना हुँदा एकजना बिद्यार्थीको मृत्युु भएको छ । पब्लिक ज्ञानज्योती कलेजको रा १ ख ४३३ नम्बरको बस तुलसीपुर–१५ सरैया डाँडामा दुर्घटना हुँदा १२ कक्षमा अध्यनरत सम्झना केसीको मृत्यु भएको हो ।

जिप्रका दाङका अनुसार दुर्घटनामा २२ जना घाइते भएका छन् । घाइतेमध्ये किरण चौधरीको अवस्था गम्भीर छ । उनलाई थप उपचारका लागि नेपालगन्ज मेडिकल कोहलपुर रेफर गरिएको छ ।

अरू २१ जना घाइतेको राप्ती प्रादेशिक अस्पताल तुलसीपुरमा उपचार भइरहेको छ । आज विहान ५ बजे विद्यार्थी लिएर कलेजतर्फ आउँदै गरेको बस ब्रेक फेल भएर दुर्घटनामा परेको प्रहरीले जानकारी दिएको छ । दुर्घटनाको सबै विवरण आइसकेको छैन ।

प्रतिक्रिया

Leave a Reply

Your email address will not be published.