बंगलादेशको रोहिंग्या मुसलमान शरणार्थी शिविरमा भीषण आगलागी – Nepal Press

बंगलादेशको रोहिंग्या मुसलमान शरणार्थी शिविरमा भीषण आगलागी

एजेन्सी । बंगलादेशको कक्सबजार स्थित म्यानमारबाट विस्थापित भएर आएका रोहिंग्या मुसदमानको सबैभन्दा ठूलो शिविरमा भीषण आगलागी भएको छ ।

आगलागीमा कम्तिमा १ हजार घर टहरा जलेर नष्ट भएको छ । सोमबार दिउँसोदेखि लागेको आगोले शरणार्थी शिविरको ठूलो क्षेत्रमा नोक्सानी पुर्‍याएको हो ।

अग्नि नियन्त्रक र स्वयम्सेवकको तीव्र प्रयासका बाबजुद आगो नियन्त्रणमा लिन धेरै समय लागेको थियो । शिविरमा धेरैजसो घरहरु बाँस र काठबाट बनेका कारण आगो नियन्त्रणमा कठिनाइ भएको हो ।

कक्स बजारमा शरणार्थीका लागि राहतको काम गर्दै आएको संस्थाका कार्यकर्ताहरुका अनुसार त्यहाँ लागेको अहिलेसम्मकै ठूलो आगो हो । यसै वर्ष जनवरीमा पनि आगो लागेको थियो ।

समाचारहरुमा सोमबारको आगोले थुप्रै मानिसको मृत्यु पनि भएको हुनसक्ने अनुमान गरिएका छन् । तर, अहिलेसम्म कुनै मानवीय क्षतिबारे पुष्टि भएको छैन ।

कक्स बजारको शिविरमा ११ लाख रोहिंग्या शरणार्थी रहन्छन् । तीन वर्षअघि म्यानमार सरकारको मुसलमानमाथिको दमनबाट प्रताडित भएर उनीहरु बंगलादेश आएर बसेका हुन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर