फुटबलकर्मीको ५ लाखसम्म दुर्घटना बीमाको सम्झौता – Nepal Press

फुटबलकर्मीको ५ लाखसम्म दुर्घटना बीमाको सम्झौता

काठमाडौं । अखिल नेपाल फुटबल संघ (एन्फा) र नेपाल मेडिसिटी अस्पतालबीच खेलाडी तथा फुटबलकर्मीको दुर्घटना बीमाका लागि सम्झौता भएको छ । त्रिपुरेश्वरस्थित दशरथ रंगशालामा आइतबार दुवै पक्षले सम्झौतापत्रमा हस्ताक्षर गरेका छन् ।

आजैदेखि लागू हुने यो सम्झौताअनुसार मेडिसिटी अस्पतालले एन्फालाई चिकित्सक, फिजियोथेरापिस्ट र उपकरणसहितको स्पोर्ट्स मेडिसन सेवा उपलब्ध गराउने छ ।

यो बीमाअनुसार ए डिभिजन लिग र राष्ट्रिय खेलाडीहरूको ५ लाख रूपैयाँसम्मको दुर्घटना बीमा तथा बी र सी डिभिजन लिगका लागि ३ लाख रूपैयाँसम्मको दुर्घटना बीमा गरिएको एन्फाले जानकारी दिएको छ ।

यो सम्झौताअनुसार मोफसलका खेलाडीसँगै फुटबलकर्मीको पनि १ लाख ५० हजारसम्मको दुर्घटना बीमा भएको एन्फाले बताएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर