निजी क्षेत्रसँगको छलफलले यहाँका समस्या समाधान हुन्छन्: उपप्रधानमन्त्री पोखरेल

काठमाडौं । उपप्रधानमन्त्री ईश्वर पोखरेलले निजी क्षेत्रसँगको छलफलले यो क्षेत्रको समस्या समाधान हुने बताएका छन्।

प्रधानमन्त्री र उद्योगीबीचको छलफल कार्यक्रमलाई सम्बोधन गर्दै उपप्रधानमन्त्री पोखरेलले हाम्रो देश नेपाल गरिब हुनै नपर्ने देश भएको र प्रधानमन्त्रीले पनि देशको समृद्धिका लागि काम गरिरहेको बताए

‘देशमा पूर्वाधारको विकास भइरहको छ । हामी समृद्ध नेपाल, खुशी नेपाली बनाउन के-के कुरा परिवर्त गर्न आवश्यक रहेको भन्ने बुझेर  त्यस विषयमा काम भइरहेको छ,’ उनले भने, ‘समृद्ध नेपाल, खुशी नेपाली भन्ने नारा मात्रै होइन् । यसलाई हामीले ठोस तरिकाले अगाडि बढाएका छौं ।’

निजी क्षेत्रले के-के कुरा ठोस तरिकाले अगाडि बढाउन पर्छ भन्ने कुराको छलफल भइरहेको उपप्रधानमन्त्री पोखरेलले बताए ।