माधव पक्षले बोलायो युवा भेला, नयाँ नेतृत्व चयन गर्ने

काठमाडौं । नेकपा एमालेको माधव नेपाल पक्षले भोलि युवाहरूको राष्ट्रिय भेला बोलाएको छ ।

शुक्रबार रिपोर्टर्स क्लबमा पत्रकार सम्मेलन गर्दै शनिबार राष्ट्रिय सभागृहमा भेला बोलाइएको आयोजक कमिटीका संयोजक नरेश शाहीले जानकारी दिए । भेलाले पछिल्लो परिवर्तित अवस्थामा युवा संघलाई पुनर्गठन र सृदृढिकरण गर्ने उनले बताए ।

शाहीले भने, ‘देशमा विकसित भएको राजनितिक घटनाक्रमले युवा आन्दोलनलाई पुनर्गठित गर्नुपर्ने आवश्यकता देखिएको छ ।’

भेलालाई वरिष्ठ नेता तथा नेपालले उद्घाटन गर्ने तय गरिएको छ ।

सर्वोच्च अदालतको २३ फागुनको फैसलाले माउ पार्टी ब्युँतिएसँगै भ्रातृ संगठनहरूलाई पनि २०७५ जेठ २ को अवस्थामा पुर्‍याएको सो पक्षको जिकिर छ ।

भोलिको भेलामा केन्द्रीय कमिटी सदस्य, निकायका सदस्य, विभागका सदस्य, जिल्ला तथा महिला विभागका प्रमुखलगायतको पदाधिकारीहरू सहभागी हुनेछन् ।

आन्तरिक असन्तुष्टि बढेसँगै नेकपा एमालेको माधव पक्षले कार्यकर्ता, महिला, किसानको छुट्टै भेला गरिसकेको छ ।

प्रतिक्रिया

Leave a Reply

Your email address will not be published. Required fields are marked *