कांग्रेस नेता जोशीको उपचारमा सरकारको १० लाख सहयोग

काठमाडौं । नेपाली कांग्रेसका नेता तथा पूर्वमन्त्री नविन्द्रराज जोशीको उपचारमा खर्च भएको १० लाख रुपैयाँ सरकारले व्यहोर्ने निर्णय गरेको छ । विहीवार साँझ बसेको मन्त्रिपरिषद बैठकले याे निर्णय गरेको ।

उपप्रधानमन्त्री ईश्वर पोखरेलले आज विहान नर्भिक अस्पतालमा पुगेर सो निर्णयको जानकारी परिवारलाई गराएका छन् । जोशीलाई भेन्टिलेटरमा राखिएको छ र उनको स्वास्थ्य अवस्था गम्भीर तर स्थिर रहेको अस्पतालले जनाएको छ ।

पोखरेलले अस्पताल पुगेर जोशीको अवस्थाका बारेमा जानकारी लिएको प्रमुख स्वकीय सचिव दिपेन्द्र श्रेष्ठले नेपालप्रेसलाई बताए । जोशी परिवारले उपचारमा आर्थिक सहयोगका लागि सरकार समक्ष निवेदन दिएको थियो ।