आमिर खानद्वारा सामाजिक संजाल त्यागेको औपचारिक घोषणा

मुम्बई- बलिउड अभिनेता आमिर खानले सामाजिक संजाल प्रयोग नगर्ने औपचारिक घोषणा गरेका छन् । जन्मदिन मनाएको एकदिनपछि सोमबार उनले आइन्दा सामाजिक संजाल नचलाउने बताएका हुन् ।

प्रशंसकलाई जन्मदिनको धन्यवाद दिन पोस्ट गरिएको ट्वीटललाई उनले अन्तिम भनेका छन् । काममा सक्रिय हुनको लागि आफूले मोबाइललाई छाडेको समेत उनले उल्लेख गरेका छन् ।

आमिर खानले सामाजिक संजाल छाडेपछि आमिर खान प्रोडक्सनले नयाँ ट्वीटर ह्यान्डल लन्च गरेको छ । आमिरको यही ह्यान्डलले उनको बारेमा जानकारी गराउने भएको छ ।