दाङमा बिजुलीको लाइन सर्ट भएर आगलागी, छ घर जलेर नष्ट

रुपन्देही । बिजुलीको लाइन सर्ट भएर आगलागी हुँदा दाङको लमही नगरपालिकाका ६ वटा घर जलेर नष्ट भएका छन् । प्रहरीका अनुसार फुसको छाना भएका घर जलेर नष्ट भएको हो ।

वडा प्रहरी कार्यालय लमही दाङका अनुसार आगलागीबाट घरमा रहेको टिभी, दराज फर्निचरको सामग्री, अन्नपात, लत्ताकपडा जलेर नष्ट भएकोे छ । क्षतिको यकिन विवरण भने आएको छ ।

आगो नियन्त्रणमा लिन लमही नगरपालिका र गढवा गाउंपालिकाको दमकल तथा वडा प्रहरी कार्यालय लमही, सशस्त्र प्रहरी, नेपाली सेना, स्थानीयले सहयोग गरेका थिए ।

प्रहरी कार्यालयका अनुसार स्थानीय प्रेम चौधरी, कान्छू चौधरी, बलिराम चौधरी, सर्जु चौधरी, बसन्त चौधरी, रेमशबहादुर बुढाको घर जलेर नष्ट भएको छ ।

 

प्रतिक्रिया

Leave a Reply

Your email address will not be published. Required fields are marked *