‘पेट्रोलियम पदार्थको मूल्य ठूलो लेभलमा नै समायोजन हुनसक्छ’ (भिडियो) – Nepal Press

‘पेट्रोलियम पदार्थको मूल्य ठूलो लेभलमा नै समायोजन हुनसक्छ’ (भिडियो)

काठमाडौं । नेपाल आयल निगम लिमिटेडका प्रवन्ध निर्देशक सुरेन्द्रकुमार पौडेलले पेट्रोल, डिजेल लगायतको पेट्रोलियम पदार्थको मुल्यवृद्धिमा सरकार र आयल निगमको भूमिका नहुने बताएका छन् ।

तेलको मूल्य निर्धारण स्रोतमा हुने मूल्यको घटबढले निर्धारण गर्ने पौडेलले बताए । डलरको रेट, क्रुड आयलमा बढ्ने रेट र ढुवानीको खर्चले पेट्रोलियम पदार्थको मुल्यलाई घटबड गराउने उनको भनाइ छ ।

बाहिर भनेजस्तो निगमको आन्तरिक खर्च र व्यवस्थापनको खर्च धान्ने विषय मूल्यसँग नजोडिने उनले जानकारी दिए । आयल निगमको खर्च धान्नका लागि पेट्रोलियम पदार्थको मूल्यवृद्धि गर्नुपर्ने अवस्था नरहेको समेत उनले बताए ।

आयल निगमले मूल्यवृद्धि हुँदा पनि कममात्रै बढाएर बिक्री गरेको छ । मूल्यवृद्धि लामो समयसम्म रहे ठूलै लेभलको मूल्य समायोजन गर्नुपर्ने अवस्थासमेत आउन सक्ने निगमले बताएको छ ।

पौडेलले भने ‘यो मूल्यवृद्धि यसरी लामो समय रहने हो भने हामीले कुनैपनि प्वाइन्टमा आएर चाहीँ ठूलो लेभलको मूल्य समायोजन गर्ने परिस्थिति हुन्छ ।’

हाल निगमले पेट्रोलको मुल्य प्रतिलिटर १ सय १६ रुपैँया, डिजेल र मट्टीतेलको मुल्य प्रतिलिटर ९९ रूपैँया र खाना पकाउने एल पी ग्याँसको मूल्य १४ सय रूपैँया कायम गरेको छ ।

 


प्रतिक्रिया

Leave a Reply

Your email address will not be published. Required fields are marked *