पारसको शतकमा वाग्मतीले आर्मीलाई दियो २६७ रनको लक्ष्य

काठमाडौ । पारस खड्काको शतकप्रेरित वाग्मती प्रदेशले काठमाडौं मेयर कप २०७७ मा बिहीबार त्रिभुवन आर्मी क्लबलाई २६७ रनको लक्ष्य दिएको छ ।

त्रिवि क्रिकेट मैदानमा टस जितेर ब्याटिङ रोजेको वाग्मतीले ४९.४ ओभरमा सबै विकेट गुमाएर २६६ रनको योगफल तयार गर्‍यो ।

वाग्मतीका लागि पारसले १३३ बलमा ११ र २ छक्कासहित ११९ रनको शतकीय इनिङ खेले । त्यस्तै, नन्दन यादवले ४२, इशान पाण्डेले २६ तथा आदिल खानले २१ बाहेक अन्य ब्याट्सम्यानले उल्लेख्य प्रदर्शन गर्न सकेनन् ।

आर्मीका लागि सोमपाल कामीले ५ तथा जितेन्द्र मुखिया, बिक्रम शोब, करण केसी र साहब आलमले १/१ विकेट लिए ।