चीन र रुसले चन्द्रमामा अन्तरिक्ष केन्द्र निर्माण गर्ने

बीबीसी । चीन र रुसले चन्द्रमामा अन्तरिक्ष स्टेसन निर्माण गर्ने घोषणा गरेका छन् ।

रुसको अन्तरिक्ष नियोग रसकसमसका अनुसार उसले चिनियाँ अन्तरिक्ष नियोग नेसनल स्पेस एडमिनिस्ट्रेसनसँग अनुसन्धानको विकास गर्ने उद्देश्यले चन्द्रमाको सतह र कक्षमा स्टेसन निर्माण गर्ने सम्झौतामा हस्ताक्षर गरेको जनाएको छ ।

दुबै मुलुकका नियोगले जारी गरेको वक्तव्यमा उक्त केन्द्रमा अन्य मुलुकले पनि अनुसन्धान लगायतका काम गर्न पाउनेछन् । चन्द्रमामा मानवसहितको यान पुगेको ६० औं वर्षगाँठको छेकोमा रुसले यस्तो तयारी गरेको हो ।

उक्त अन्तराष्ट्रिय लुनार स्टेसनमा चन्द्रमाको उत्खनन र प्रयोगको वैज्ञानिक अनुसन्धान गर्नको लागि काम हुने ती नियोगले जनाएका छन् । ‘चीन र रुसले आफ्नो अनुभवलाई अन्तरिक्ष विज्ञान, अनुसन्धान र विकास, अन्तरिक्ष उपकरण एवं प्रविधिको संयुक्त मार्गचित्र बनाउनको लागि प्रयोग गर्नेछन्’ चिनियाँ भाषामा प्रकाशित विज्ञप्तीमा उल्लेख छ ।

चिनियाँ अन्तरिक्ष कार्यक्रमका विशेषज्ञ चेन लानले यो सहमतिलाई ठूलो सम्झौता भएको बताए । ‘यो चीनका लागि सर्वाधिक ठूलो अन्तरिक्ष कार्यक्रम हुनेछ’ उनले भने, ‘त्यसैले यो महत्वपूर्ण छ ।’

अमेरिकाले भने सन् २०२४ मा चन्द्रमामा मानवसहितको यान पठाउने आर्टेमिज कार्यक्रम कार्यान्वयन गर्ने तयारी गर्दैछ ।

प्रतिक्रिया

Leave a Reply

Your email address will not be published. Required fields are marked *